“Ayın ən yaxşı sinfi” müsabiqəsi
Məktəbdə “Ayın ən yaxşı sinfi” müsabiqəsinə start verilib. Nizam - intizamın gücləndirilməsi məqsədilə tərbiyə işləri üzrə direktor müavini Anar Miriyev tərəfindən əvvəlcədən təyin edilmiş meyarlar əsasında ilk dəfə keçirilən müsabiqə siniflər arasında rəqabət mühitinin formalaşdırılması, məktəbdaxili təlim-tərbiyə keyfiyyətinin yüksəldilməsi kimi məqsədlərə xidmət edir.
Ay ərzində tədris nailiyyəti, nümunəvi davranış, nizam-intizam, dərsə davamiyyət, sinfin təmizliyi, tədbirlərdə fəal iştirak, məktəbli kitabçasının aparılması qaydası, məktəbli formasına riayət meyarları nəzərə alınmaqla noyabr ayının qalib gələn sinfi Ofelya Mirzəmmədovanın rəhbərlik etdiyi 8 "D" sinfi oldu. Sinif rəhbəri Tərifnamə ilə təltif olundu.
Qeyd edək ki, adı çəkilən müsabiqə tədris ili boyu davam edəcək.
