Cəlil Məmmədquluzadənin 150 illik yubileyinə həsr edilmiş tədbir
20.05.2019 -cu il tarixində Cəlil Məmmədquluzadənin 150 illik yubileyinə həsr olunmuş "Tənqidi realizmin banisi" adlı tədbir keçirilmişdir. Tədbirdə 6 "C" və 7 "C" sinfinin şagirdləri iştirak edirdi. 6 "C" sinif şagirdi Qurbanova Samara yazıçının "Oyatdılar oyanmadım" adlı şeirini səsləndirdi. Quliyev Adəm və Canbazlı Vaqifin ifasında tarixə düşmüş on beş fikirdən nümunələr söylənildi."Poçt qutusu" və " Anamın kitabı" əsərindən səhnəciklər göstərildi. Yazıçının həyat və yaradıcılığına həsr edilmis video çarxlar, "Danabaş kəndinin əhvalatı" filmindən qısa fraqmentlər nümayiş olundu. "Tədbirin təşkilatçısı Azərbaycan dili və Ədəbiyyat müəllimi İbrahimxəlilova Aynurə çıxış edərək Azərbaycan Respublikası Prezidenti İlham Əliyev Cənablarının Azərbaycan Respublikası Mədəniyyət Nazirliyi, Azərbaycan Respublikası Təhsil Nazirliyi və Milli Elmlər Akademiyası ilə birgə tədbirlər planının hazırlanması haqqında verdiyi sərəncam barədə və yazıçı haqqında fikirlərini bildirdi.Tədbirin sonunda məktəbin direktoru Esmira Məmmədova çıxış edərək öz dəyərli fikirlərini bildirdi.
