Yol hərəkəti qaydaları üzrə maarifləndirici tədbir keçirildi
Bu gün 2C sinfində sinif rəhbəri Həsənova Şəhlanın təşəbbüsü ilə "Yol hərəkəti qaydaları" mövzusunda maarifləndirici tədbir keçirildi. Tədbirin məqsədi şagirdlərə yol hərəkəti təhlükəsizliyi qaydalarını öyrətmək və onları məsuliyyətli piyadalar kimi yetişdirmək idi.
Tədbir zamanı şagirdlərə yol nişanları, piyada keçidləri, işıqforun rənglərinin mənası və təhlükəsizlik qaydaları əyani vasitələrlə izah edildi. Daha sonra şagirdlər arasında sual-cavab və rollu oyunlar təşkil olundu ki, bu da onların mövzunu daha yaxşı mənimsəməsinə kömək etdi.
Tədbirin sonunda şagirdlər yol hərəkəti qaydalarına riayət etməyin əhəmiyyətini bir daha vurğuladılar və gələcəkdə təhlükəsiz hərəkət etməyə söz verdilər. Belə maarifləndirici tədbirlər şagirdlərin biliklərini artırmaqla yanaşı, onların gündəlik həyatda təhlükəsizliklərini təmin etmək üçün mühüm addımdır.
