8 Dekabr-Rəssamlar Günü
Rəssamlar Gününə həsr olunan sərgi təşkil edildi
2007-ci ildə “Dünya Xalqları Sənəti” Beynəlxalq Assosiasiyası tərəfindən 8 dekabr - Beynəlxalq Rəssamlar Günü kimi təsis edilib. Beynəlxalq Rəssamlar Günü tarixdə iz qoyan rəssamları xatırlatmaq üçün başqa bir səbəbdir: onların gözləri ilə tarixə nəzər salırıq, dünyamızın nə qədər gözəl olduğunu başa düşürük.
Beynəlxalq Rəssamlar Günü təkcə peşəkarlar və sənət həvəskarları üçün xüsusi gün deyil. Həmçinin yaradıcılıq insana dünyadan zövq almağı və onu sevməyi bəxş edir. Buna görə də bugünkü bayram həmçinin bütün gözəllik, rəngarənglik, təbiətsevənlər üçün xüsusidir.
Bu münasibətlə məktəbin istedadlı şagirdlərinin mövzu üzrə bir- birindən maraqlı rəsmlərindən ibarət sərgisi nümayiş edildi. Müxtəlif texnikalarda yaradılan kompozisiyalar böyük marağa səbəb oldu.
