Yanğın təhlükəsizliyi qaydalarına aid tədbir
Azərbaycan Respublikası Elm və Təhsil Nazirliyi, Fövqəladə Hallar Nazirliyinin birgə təlimatına əsasən məktəbdə "Yanğın təhlükəsizliyi qaydaları"na riayət etmək və necə davranmalı olduqları barədə şagirdləri maarifləndirmək məqsədilə videoçarxlar nümayiş olundu. Məktəbin direktoru Nəriman Məmmədzadə əyani surətdə tozla işləyən odsöndürən balonu şagirdlərə nümayiş etdirdi və necə istifadə olunmasını izah etdi. O qeyd etdi ki, tozla işləyən odsöndürənlər bərk materialların, yanar məhlulların, qaz və elektrik avadanlıqlarının söndürülməsində tətbiq edilir. Həmçinin məktəbdənkənar və sinifdənxaric işlər üzrə təşkilatçı İlahə Quliyeva şagirdlərə məlumat verərək bildirdi ki, payız-qış mövsümündə yanğın təhlükəsizliyi qaydalarına diqqət artırılmalıdır.Bundan əlavə yanğın zamanı təxliyə qaydalarını da bilmək vacibdir.
