Valideynlər üçün "Açıq qapı" günləri
Bakı Şəhəri üzrə Təhsil İdarəsinin tabeliyindəki bütün ümumi təhsil məktəblərində olduğu kimi bizim məktəbdə də valideynlər üçün “Açıq qapı” günü keçirildi. “Açıq qapı” günlərinin təşkil olunmasında məqsəd müəllim-valideyn əməkdaşlığı vasitəsilə şagirdlərin təlim-tərbiyəsində səmərəliliyi artırmaq, valideynlərlə məktəb arasında ünsiyyət platformasını genişləndirməkdən ibarətdir. Açıq qapı” günləri çərçivəsində valideynlər məktəb mühiti ilə daha yaxından tanış olurlar. Məktəb rəhbərliyi və müəllimlərlə görüş zamanı valideynlərə məktəblərin fəaliyyəti və tədris prosesi barədə ətraflı məlumat verilir.
