Təbiətimizi qorumaq üçün işarələri tanıyaq
“Yaşıl dünya naminə həmrəylik ili” ilə əlaqədar texnologiya müəllimi Rəcəbova Könül II sinif şagirdləri ilə “Təbiətimizi qorumaq üçün işarələri tanıyaq” adlı maarifləndirici dərs keçdi. Müəllim şagirdlərə Ana vətənimizin təbiətini qorumaq üçün nə etməli sualı ilə müraciət etdi. Şagirdlərin cavabları maraq doğurdu. Şagirdlər “Təbiəti qoruyaq” adlı cizgi filminə baxdılar. Sonra onlar təbiətimizi qorumağa aid olan işarələrlə tanış oldular. İşarələrin mənasını izah edən şagirdlər həmin işarələri maketin üzərinə vurdular. Sonda müəllim bir daha vurğuladı ki, təbiətimizi qorumaq hamının vətəndaşlıq borcudur.
