" Böyük qayıdışın başlanğıcı" adlı hərbi bilik yarışması keçirildi
Bakı şəhəri üzrə Təhsil İdarəsinin tədbirlər planına əsasən 30.04.2024- cü il tarixində Təlimə dəstək mərkəzində Aprel döyüşlərinə həsr edilmiş " Böyük qayıdışın başlanğıcı" adlı hərbi bilik yarışmasının rayon turu keçirildi. Yarışmada məktəbin 10 b sinif şagirdləri Əliyeva İlahə, Nadirova Mehriban, Novruzov Zaur və Qasımov Rəşid iştirak edərək digər ümumtəhsil məktəblər ilə yarışaraq biliklərini sərgilədilər və 3 cü yerə layiq görüldülər. “Kahoot” proqramı üzərində həyata keçirilən yarışın qiymətləndirilməsi Çağırışaqədərki hazırlıq fənni üzrə bütün mövzuları əhatə etmişdir.Yarış 25 sualdan ibarət olmaqla, hər sual 1000 balla qiymətləndirilmiş və 25-ci sualdan sonra nəticə dərhal kompüter vasitəsilə bütün iştirakçılara elan edilmişdir.
Yarışın məqsədi gənclərin bu fənnə olan maraqlarının stimullaşdırılması, peşə yönümünün hərbi ixtisaslara istiqamətləndirilməsi, şagirdlər arasında Vətən sevgisinin, vətənpərvərlik tərbiyəsinin və orduda xidmət etmək meyillərinin gücləndirilməsidir.
Şagirdlərimizi təbrik edir, uğurlar arzulayırıq!
