240 №-li tam orta məktəb

"Yaşıl dünya naminə həmrəylik ili ilə bağlı məktəbdə silsilə tədbirlər keçirilir. 30 aprel tarixində "Təbiətin gözəlliyini qoruyaq" adlı tədbir 240 sayli tam orta məktəbin cografiya, biologiya və kimya müəllimlərinin rəhbərliyi ilə və məktəb şagirdlərinin fəal iştirakı ilə açıq hava kompozisiyası keçirilmişdir. Tədbir şagird və müəllim kollektivinin birgə əməyi sayəsində ağac, bitgi, gül kollarının əkildiyi məktəbyanı sahədə oldu. Yuxarı sinif şagirdlərinin hazırladıqları maraqlı maketləri təqdim etdilər. Balacalar isə asfalt üzərində "Dünyamızı gözəlləşdirmək" adlı rəsmlər çəkdilər.

Mayın 1-dən 2024-2025-ci tədris ili üzrə ümumi təhsil müəssisələrinin birinci siniflərinə şagird qəbuluna start verilir. Qəbul prosesi www.mektebeqebul.edu.az portalı vasitəsilə aparılacaq.

Elektron portalda 1 may saat 11:00-dan uşaqların qeydiyyatı, 3 may tarixindən isə Azərbaycan bölməsi üzrə sorğuların yerləşdirilməsi (məktəb və müəllim seçimi) həyata keçiriləcək.

Mayın 3-dən 17-dək dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı təşkil olunan müsahibəyə yazılmaq üçün qeydiyyat aparılacaq. Müsahibələr 7–30 may tarixlərində keçiriləcək. Müsahibədən uğurlu nəticə əldə edən uşaqların valideynləri 12 iyun–13 sentyabr tarixlərində məktəb və müəllim seçimi edə biləcəklər.

Birinci sinfə qəbulla bağlı digər suallarınıza müvafiq linkə daxil olaraq cavab əldə edə bilərsiniz.

Birinci sinfə sənəd qəbulu 13 sentyabr tarixinədək davam edəcək.

   Məktəbimizin 2"D" sinif şagirdi Cavad Ələkbərzadə 7-9 yaş qrupu arasında Batizado tədbirində 3-cü yerə layiq görülərək yaşıl kəmər qazanıb.

Brazilya Kapoeyra Federasıyanın rəhbəri Professor Di Mare sertfikatı özü təqdim edib.

   44 gün – Azərbaycan, o cümlədən dünya tarixinə qızıl rəqəmlərlə yazılmış şanlı zəfərimizin ömrüdür. Vətən müharibəsi, “dəmir yumruq” əməliyyatı, 2-ci Qarabağ savaşı, böyük qələbə kimi də adlandırılan bu 44 günlük şanlı zəfər tarixi yaddaşlarda ömürlük həkk oldu.

44 gün ərzində xalqımız yüksək səviyyədə birlik nümayiş etdirdi.Ön cəbhədə hərbçilərimizin şücaəti, ordumuzun rəşadəti, arxa cəbhədə mülki insanlarımız, bütövlükdə isə xalqımızın həmrəyliyi nəticəsində qələbə çaldıq. Bir daha dünyaya sübut etdik ki, bu torpaqlar əzəli və əbədi Azərbaycan torpaqları olmuşdur, “Dəmir Yumruq” əməliyyatı bir daha göstərdi ki, Qarabağ bizimdir, Qarabağ Azərbaycandır!

Məktəbimizin 1”C”sinif şagirdləri "Qənimətlər parkını" ziyarət etmiş,ordumuz tərəfindən ələ keçirilən döyüş sürsatları,ağır texnikaları ilə tanış olmuşlar.

   23 aprel Ümumdünya Kitab və Müəllif Hüquqları Günü kimi qeyd edilir. Bu gün 1995-ci ildə UNESCO tərəfindən dünya şöhrətli söz ustaları ingilis şairi və dramaturqu Uilyam Şekspirin, ispan yazıçısı Migel de Servantesin və perulu məşhur tarixçi-yazar İnka Qarsilaso de la Veqanın xatirəsinə ehtiram olaraq təsis edilib. Onların hər üçü eyni gündə, 1616-cı ilin 23 aprelində vəfat ediblər. Hər bir yaradıcı insanın öz əsərinə müəlliflik hüququ var. Müəllif hüquqlarının qorunması beynəlxalq konvensiyalarla tənzimlənir. 23 aprel Dünya Kitab və Müəllif Hüquqları Günü Azərbaycanda 2001-ci ildən qeyd olunur.

Məktəbimizin ibtidai sinif müəllimi Pəri Qasımova 1”B”sinif şagirdləri ilə birlikdə 23 Aprel Ümumdünya Kitab və Müəlliflik Hüququ Gününə aid tədbir keçirdi.Tədbirin əsas məqsədi şagirdlərdə oxu vərdişlərini inkişaf etdirmək və kitabın gündəlik həyatımızın bütün sahələrinə daxil edilməsinə nail olmaqdan ibarətdir.Pəri müəllim şagirdlərə kitab aləmindən maraqlı məlumatlar verdi və gələcəkdə şagirdlərin məktəb kitabxanasından necə səmərəli istifadə edə biləcəkləri haqda söhbət açdı. Sonra şagirdlər ən son oxuduqları öz sevimli kitablarını gətirərək nümayiş etdirdilər və oxuduqları əsərlər və müəllifləri haqqında məlumat verdilər