240 №-li tam orta məktəb

Bakı şəhəri 240№li tam orta məktəbdə 21.09.2019-cu il tarixdə BŞTİ tərəfindən F-66 ,28.01.2019-cu il tarixli məktuba əsasən “Valideynin məktəbdə bir günü ” adlı tədbir keçirildi. İlk öncə valideynlər məktəbin akt zalında toplaşdılar. Məktəbin direktoru Esmira Məmmədova məktəbin fəaliyyəti, uğurları və nailiyyətləri haqqında geniş məlumat verdi və valideynləri məktəb həyatında daha fəal iştirak etməyə, valideyn-müəllim-şagird münasibətlərin daha sıx formada iştirak etməsinin şagirdlərin təlim-tərbiyə prosesində müsbət təsirinin olduğunu bildirdi. Daha sonra valideynlər qruplarla tədbirin proqramına uyğun olaraq tədris prosesini izləmək məqsədilə dərslərdə iştirak etdilər. Valideynlər məktəbdə gördükləri haqqında fikirlərini bölüşdükdən sonra tədbir şagirdlərin iştirakı ilə konsert proqramı ilə yekunlaşdı.

“Təhsil müəssisələrində Xocalı soyqırımının iyirmi yeddinci ildönümünün keçirilməsi barədə” Bakı Şəhəri üzrə Təhsil İdarəsinin əmri imzalanıb.

Müvafiq əmr ilə təsdiqlənmiş Tədbirlər Planında ümumi təhsil müəssisələri və uşaq-gənclər inkişaf mərkəzlərində fevralın 26-sı ilk dərslər Xocalı soyqırımına həsr ediləcək.

Həmçinin “Xocalıya gedən yol” mövzusunda mühazirə, toplantı, “Dəyirmi masa” və konfransların təşkili nəzərdə tutulur.

Bundan əlavə, “Xocalı faciəsi uşaq yaradıcılığında” mövzusunda bədii qiraət gecələri, məktəblilərin esse və inşa yazılarının təqdimatı, əl işlərindən ibarət sərgiləri təşkil olunacaq. “Xocalı harayı” mövzusunda ədəbi-bədii kompozisiyalar təşkil olunacaq, sənədli və bədii filmlər nümayiş ediləcək. Xocalı soyqırımından bəhs edən divar qəzetləri, bülleten, fotostendlər və guşələr hazırlanacaq.

Təhsil müəssisələrinin internet resurslarına Xocalı soyqırımını əks etdirən materiallar yerləşdiriləcək, keçirilən tədbirlər kütləvi informasiya vasitələri və televiziya kanallarında işıqlandırılacaq.

Eyni zamanda, təhsil müəssisələrinin müəllim və şagird kollektivi soyqırım şahidləri ilə görüşəcək, “Ana fəryadı” abidəsini ziyarət edəcəklər.

Qeyd olunan tədbirlərin keçirilməsi ölkəmizin müstəqilliyi uğrunda mübarizədə canlarını qurban vermiş vətən övladlarını yad etmək, böyüməkdə olan nəslə doğma Vətənə sevgi, məhəbbət hissləri aşılamaq, məktəblilər arasında milli vətənpərvərlik ruhunu yüksəltmək və Xocalı soyqırımı haqqında həqiqətləri çatdırmaq məqsədlərinə xidmət edir.

Məktəbin kimya müəllimi Fəxriyyə Amani tərəfindən 8”D” sinfində “Kovalent rabitənin növləri” mövzusunda növbəti maraqlı nümunəvi dərs keçirildi. Dərs zamanı mövzuya aid video-materiallar göstərildi, şagirdləri maraqlandıran suallara cavab verildi. Maddələrin molekul tərkibinin modelləri rabitə növlərinə uyğun olaraq hazırlandı.

   Azərbaycan Dövlət Pedaqoji Universitetinin Sabah qrupunun “İbtidai təhsilin metodikası” ixtisası üzrə təhsil alan tələbələri Abdullayeva Sədaqət və Mollayeva Səidə 04.02.2019-15.02.2019 tarixədək məktəbimizin 4”C” “Sağlam təhsil” sinfində təcrübə keçdilər. 4”C” sinfində keçirilən interaktiv dərslər müəllim, metodis və məktəbin psixoloqu tərəfindən yüksək qiymətləndirildi.   

Məktəbimizin istedadlı şagirdlərindən biri olan İbrahimli Anar 2 Fevral- Gənclər gününə həsr olunmuş şahmat üzrə təsnifat turnirində Dördüncü dərəcə almaq uğrunda ikinci yer tutduğuna görə təltif edildi. Anarı bütün məktəb kollektivi adından təbrik edir və ona gələcək oyunlarda uğurlar arzulayırıq.