Ekoloji çirklənmə, plastik tullantıların zərəri
Bu gün məktəbin kitabxanasında 6-cı siniflər sinif təşkilat saatında plastik tullantılardan istifadənin zərərindən danışdılar. Ətraf mühitin mühafizəsinə töhfə vermək hər kəsin borcudur. Hər kəs ana təbiətin qorunmasında pay sahibi olmalıdır. Bunun üçün ekoloji tərbiyə də əhəmiyyətlidir.
Hazırda ətraf mühiti çirkləndirən əsas faktorlardan biri olan plastik qablaşdırma tullantılarının miqdarı hazırda 12 faizdən çoxdur. Bu tullantılar düzgün idarə olunmadığından ətraf mühiti və sututarları çirkləndirir, kənd təsərrüfatı torpaqlarının dərin qatlarına keçərək bitkilərin normal inkişafını ləngidir və məhsuldarlığın aşağı düşməsinə səbəb olur. Ən əsası isə plastik tullantılar təbiətdə yüz illər ərzində parçalanmır, miqdarı isə ilbəil artır.
