95 №-li tam orta məktəb

    13 mart 2025-ci il tarixində Əmək və Əhalinin Sosial Müdafiəsi Nazirliyinin tabeliyində olan Dövlət Məşğulluq Agentliyinin Bakı Regional Məşğulluq Filialının əməkdaşları tərəfindən məktəbdə "Məktəbdən karyeraya" mövzusunda maraqlı və interaktiv təlim keçirildi.

     8-11-ci sinif şagirdləri əmək bazarının hazırkı vəziyyəti, müxtəlif peşə və ixtisaslar, eləcə də uğurlu peşə seçimi haqqında məlumatlar əldə etdilər. Onları maraqlandıran suallar cavablandırıldı və faydalı tövsiyələr verildi.

      11.03.2025-ci il tarixində 9-cu siniflərdə buraxılış imtahan modelinə uyğun monitorinq imtahanı təşkil olundu.

    8 Mart - iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günüdür.

    Beynəlxalq Qadınlar Gününün bayram kimi qeyd edilməsi Klara Setkinin təklifi ilə 1910-cu ildə sosialist qadınların 2-ci Beynəlxalq konfransında qərara alınıb.

    Qadınlar günü ilk dəfə 1911-ci ildə Almaniya, Avstriya, İsveçrə və Danimarkada keçirilib. Rusiyada 1913-cü ildə, Azərbaycanda isə 1917-ci ildə qeyd edilib. 1914-cü ilədək Beynəlxalq Qadınlar Günü müxtəlif günlərdə keçirilirdi. Beynəlxalq Qadınlar Gününün martın 8-də keçirilməsi Avstriya, Macarıstan, Rusiya, ABŞ və digər ölkələrin qadınlarının öz həmrəylik gününü məhz bu tarixdə qeyd etməsindən sonra ənənə halını aldı.

    Bu münasibətlə məktəbin bütün qadın kollektivini təbrik edirik.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin şagirdləri Qazaxıstan universitetlərinin təhsil sərgisinə baxış keçiriblər.

Məktəblilərin sərgi ilə yaxından tanış olması onların dünyagörüşünün inkişafı, elmi-tədqiqatlara və təhsilə marağının artırılması, yeni təhsil imkanları ilə tanış olmaları baxımından mühüm əhəmiyyət kəsb edir.

Bakı İdman Sarayında keçirilən sərgidə məktəblilər Qazaxıstanda müxtəlif təhsil səviyyələri və ixtisas istiqamətləri üzrə ali məktəblərin təhsil imkanları barədə məlumat əldə etmək şansı qazanıblar.

Qeyd edək ki, sərginin əsas məqsədi Qazaxıstan universitetlərini Azərbaycan ictimaiyyətinə tanıtmaq və iki ölkə arasında təhsil sahəsində əməkdaşlığı gücləndirməkdən ibarətdir. Təhsil sərgisində Qazaxıstan Respublikasının 20-dən çox ali təhsil müəssisəsi iştirak edir.

   Qarlı və şaxtalı havaya baxmayaraq 27.02.2025-ci il tarixində "Ana dili aylığı" çərçivəsində məktəbin akt zalında Ana dili müəllimlərinin təşəbbüsü ilə 10-cu sinif şagirdləri  "Arşın mal alan" operettasını səhnələşdirdilər.

    Tədbirdə məktəbin direktoru Pərvanə Abbasova, tərbiyə işləri üzrə direktor müavini Rahil Hüseynov, kitabxana müdiri Alidə Hadıyeva, müəllimlər və şagirdlər iştirak edirdilər.

    Ana dili müəllimləri Səbirə Əliyeva, Arzu Əhmədova, Səadət Hüseynova, Ülviyyə Fətullayeva tərəfindən yüksək səviyyədə  təşkil olunmuş bu tamaşa məktəb kollektivi tərəfindən böyük maraq və alqışa səbəb oldu.