95 №-li tam orta məktəb

        Məktəbin psixoloqu Vəfa Ağayeva birinci siniflərdə şagirdlərin "Məktəb təliminə hazırlığının yoxlanılması" metodikasını keçirdi. Metodikanın keçirilməsində məqsəd birinci sinif şagirdlərinin intelektual və sensomotor qabiliyyətlərini, incə motorika, oxşada bilmək bacarığını və ixtiyari diqqəti müəyyən etmək idi.

Oktyabrın 1-də dövlət ümumi təhsil müəssisələrindəki məktəbəhazırlıq qruplarında məşğələlərə start verilib.

2024-2025-ci tədris ilində Bakı Şəhəri üzrə Təhsil İdarəsinin tabeliyindəki 287 ümumi təhsil müəssisəsinin məktəbəhazırlıq qruplarına 23 438 uşaq qeydiyyatdan keçib.

Qeyd edək ki, dövlət ümumi təhsil məktəblərində yaradılan məktəbəhazırlıq qruplarında həftədə 4 gün olmaqla 12 məşğələ keçirilir. Məktəbəhazırlıq qruplarında dərs məşğələləri “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət”dən ibarətdir.

Onu da qeyd edək ki, məktəbhazırlıq qruplarının yaradılmasında məqsəd 5 yaşlı uşaqların hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.

     Oktyabrın 1-dən 2024-2025-ci tədris ili üzrə məktəbəhazırlıq qruplarında məşğələlər başlayıb.

     Məktəbəhazırlıq uşaqlarda oxumaq həvəsini, onların məktəbə müsbət emosional münasibətinin formalaşdırılmasını, məktəbə müvəffəqiyyətlə adaptasiya olunması üçün onlarda şəxsi-sosial xüsusiyyətlərin formalaşdırılmasını və birinci sinfə adaptasiyasını təmin edir.

   Məktəbin 3”E” sinfi 44 günlük Vətən Müharibəsində qəhrəmancasına şəhid olanların əziz xatirəsini yad etdi. Sinif rəhbəri Sevinc Hüseynova  "Qarabağ" adlı mübarizəmizin yeni səhifəsindən danışaraq sözü şagirdlərə ötürdü.

   Tədbiri məktəbin direktoru Pərvanə Abbasova, təlim tərbiyə işləri üzrə direktor müavini Aynurə Ağayeva, tərbiyə işləri üzrə direktor müavini Rahil Hüseynov izləyərək şagirdlərə vətənpərvərlik,   müstəqillik  yolunda atılacaq addımlarla bağlı öz tövsiyələrini verdilər