İngilis dili gecəsi keçirildi
Aprel ayında məktəbimizdə ingilis dili aylığı keçirilmişdir. Bu çərçivədə ingilis dili müəllimlərinin dərsi dinlənilmiş, açıq dərslər təşkil olunmuşdur, məktəbin foyesində guşə yaradılmışdır. Ayın yekunu olaraq 30.04.2019-cu il tarixində məktəbin akt zalında “ Hello spring “ adlı tədbir keçirilmişdir. Tədbirdə məktəbin təlim tərbiyə işləri üzrə direktor müavinləri Gülalıyeva Həqiqət, Səmədova Günel, Rəsulova Günay həmçinin məktəbin müəllimləri, şagirdləri və valideynləri iştirak etmişlər. Şagirdlər müxtəlif nağıllardan parçalar, “Arşın mal alan” operettasından bir parçanı ingilis dilində təqdim etdilər. Bundan başqa şeir və rəqs parçalarıda ifa etdilər. Tədbir hər kəsə xoş əhval ruhiyyə bəxş etdi.
