Şəhid Ayaz Məhərrəmovun anım günüdür
05.03.2019-cu il tarixində məktəbimizin adını daşıdığı Ayaz Məhərrəmovun anım günü idi. Bununla əlaqədar şagirdlər Ayaz Məhərrəmovun şəkili önünə qərənfillər düzüblər. Ayaz Tağı oğlu Məhərrəmov 13 sentyabr 1975-ci ildə Zəngibasar mahalının aşağı Neçili kəndində anadan olmuş, 1982-ci ildə həmin kənd məktəbinin 1-ci sinfinə getmişdir. 1994-cü il yanvarın 5-də ön cəbhəyə gedərək Füzuli rayonunda N saylı hərbi hissədə xidmətə başlamışdır. 04 may 1994-cu il tarixində Füzuli rayon aşağı Əbdürrəhmanlı kəndi uğrunda gedən döyüşdə yaralanmış,ağır yaralanmasına baxmayaraq döyüşü davam etdirmişdir. Növbəti gün kəşfiyyatda olarkən şəhid olmuşdur. 1995-ci ildən etibarən 95 nömrəli məktəb şəhid Ayaz Məhərrəmovun adını daşıyır.
