“Elnglish is Fun” adlı tədbir
27 dekabr 2024-cü il tarixində V siniflərin iştirakı ilə “Elnglish is Fun” adlı tədbir keçirilmişdir.
Tədbir başlamadan öncə Azərbaycan Hava Yollarına məxsus "Embraer E190AR" təyyarəsinin Qazaxıstanın Aktau şəhərinin 3 km yaxınlığında uğradığı qəza zamanı vəfat edənlərin ruhu bir dəqiqəlik sükutla yad edildi. Sonra ingilis dili müəllimi Aydan Sadıqovanın hazırladığı “Bakı-London” video-çarxı nümayiş olundu.
Tədbir zamanı 5”A” sinif şagirdləri “Tıq-tıq xanım” nağılını, 5”Ç” sinif şagirdləri “Üç pişik balası” nağılını nümayiş etdirdilər. 5”B” sinif şagirdləri “Yeni il” mövzusuna aid, 5”C” sinif şagirdləri isə peşələrə aid səhnəcik nümayiş etdirdilər.
Tədbirdə məktəbin direktoru Pərvanə Abbasova, təlim-tərbiyə işləri üzrə direktor müavini Tahir Ağayev, tərbiyə işləri üzrə direktor müavini Rahil Hüseynov, UBTR Günay Rəsulova, ingilis dili müəllimlərindən Müzəyyan Şıxıyeva, Mahirə Cabbarova, Nərmin Mirzəyeva, Aytən Əskərova və digər müəllimlər iştirak etmişdilər.
Sonda məktəbin direktoru Pərvanə Abbasova və təlim-tərbiyə işləri üzrə direktor müavini Tahir Ağayev şagirdlərin çıxışları haqqında öz fikirlərini bildirdilər.
