“Coğrafiya fənn aylığı” çərçivəsində bilik yarışı
24 oktyabr 2024-cü il tarixində “Coğrafiya fənn aylığı” çərçivəsində coğrafiya müəllimləri Sevinc Əliyeva, Gülbəniz Piriyeva tərəfindən VIII siniflər arasında “Yaşıl Dünya naminə həmrəylik ili”-nə həsr olunmuş bilik yarışı keçirildi.
Yarış başlamadan öncə torpaq uğrunda canlarından keçən şəhidlərimizin ruhu bir dəqiqəlik sükutla yad edildi. 2020-ci il oktyabrın 25-də işğaldan azad edilmiş Qubadlı rayonu ilə bağlı Prezident İlham Əliyevin çıxışı dinlənildi, video-çarx nümayiş olundu.
2024-cü il Azərbaycanda keçiriləcək COP29-a həsr olunmuş video-çarx da nümayiş olundu. Daha sonra yarışmaya start verildi. Yarışma zamanı komandalar arasında qalibiyyət uğrunda gərgin mübarizə getdi. Sonda nəticələrə uyğun olaraq I, II və III yerin qalibləri seçildi. Qaliblər məktəbin direktoru Pərvanə Abbasova tərəfindən diplomlarla təltif olundular.
