Anım Günü
27 sentyabr – Anım Günü xalqımızın dövləti, torpağı, bayrağı uğrunda canından keçməyə hazır olmasının təsdiqi günüdür!
27 sentyabr Vətən müharibəsinin başlandığı, Azərbaycan xalqının bir yumruğa çevrildiyi müqəddəs bir gündür. Məhz 27 sentyabr günündən başlayaraq 10 noyabr tarixinə qədər Ali Baş Komandanın rəhbərliyi altında şanlı Azərbaycan ordusu işğaldakı torpaqlarımızı azad etdi, dövlətimizin ərazi bütövlüyünü təmin etdi. Bu 44 gün ərzində Azərbaycan xalqı 30 ilə yaxın müddətdə torpaqlarımızı işğal altında saxlayan Ermənistanı sözün həqiqi mənasında tar-mar edərək ona öz yerini göstərdi. Azərbaycan dövləti, Azərbaycan xalqı, Azərbaycan ordusu bütün dünyaya sübut etdi ki, o, özünü, öz sərhədlərini, ərazi bütövlüyünü qorumağa qadirdir və heç bir qüvvə onun iradəsinə qarşı gələ, susdura bilməz.
Vətən uğrunda canından keçən şəhidləri dərin hüznlə anırıq! Allah rəhmət eləsin.
