Məktəbimizdə “Məktəblinin dostu” seçilmiş şəxslərin fəaliyyəti ilə bağlı görüş keçirildi
Fevralın 15-də 95 nömrəli tam orta məktəbdə “Məktəblinin dostu” seçilmiş şəxslərin fəaliyyəti ilə bağlı görüş keçirilib. Direktor melumat verir ki, Təhsil Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə həyata keçirilən “Məktəblinin dostu” pilot layihəsi üzrə seçilmiş şəxslər ötən ilin dekabr ayından fəaliyyət göstərirlər. Bakı şəhəri üzrə 30 ümumi təhsil müəssisəsini əhatə edən layihə üzrə 112 nəfər əməkdaş çalışır. “Məktəblinin dostu” seçilmiş şəxslərin əsas vəzifəsi müəllim və şagirdlər üçün təhlükəsiz mühit yaratmaq, ilk tibbi yardım göstərməkdir.
