SAF 2023
30 oktyabr - 5 noyabr 2023-cü il tarixlərində FLL Challenge (Off-Season) kateqoriyası üzrə Seçim Turları keçirildi. Seçim turlarında yalnız komanda və komanda rəhbəri iştirak etdi. Komandanın tərkibi 3 şagird və 1 mentordan ibarət idi. Bakı şəhəri üzrə seçim turu 30 oktyabr - 1 noyabr tarixlərində STEAM İnnovasiya Mərkəzində keçirildi.
Yarışının məqsədi iştirakçılara komanda şəklində işləmə bacarığı, dostluq rəqabəti, peşəkar həssaslıq, tənqidi düşüncə, ünsiyyət və s. kimi vacib hesab edilən 21-ci əsr bacarıqlarını mənimsətməkdən ibarətdir. Bundan başqa, iştirakçıların həm hazırlıq prosesində, həm də turnir günlərində “əyləncəli” zaman keçirməsi proqramın əsas məqsədlərindən biridir.
Qeyd edək ki, turnir günü komandalar hər ilin mövzusuna uyğun yığdıqları layihəni jürilərə təqdim etdilər. 2023 - 2024 mövsümündə “FIRST LEGO League Challenge” proqramı, bütün dünyada mövzu MASTER PİECE℠ olaraq elan edilib.
