Nağıllarda xeyirxahlıq
03.06.2022-ci il tarixində məktəbin 2”Ə” sinfində təsviri incəsənət dərsində “Nağıllar” mövzusu üzrə çox maraqlı dərs keçdi. Müəllim Aygün Dadaşova şagirdlərə ilk öncə nağıllar haqqında qısa məlumat verdi. Belə ki, nağıllar möcüzələrlə dolu sirli, sehrli bir aləmdir. Burada, adətən, xeyirxahlıq qəddarlıq üzərində qələbə çalır və hadisələr xoşbəxt sonluqla bitir. Nağıllardakı obrazlar mətnə çəkilmiş illüstrasiyalarda daha aydın şəkildə təsvir edilir. Müəllim şagirdlərə bir neçə nağıl obrazları təsvir olunmuş şəkil nümunələri payladı. Kiçikyaşlı məktəblilər çox böyük həvəslə, sevinclə cütlər şəklində işlədilər. Onlar növbə ilə şəkilləri bir-bir rənglədilər.
