“Zəfərə gedən yol” adlı tədbir
12 oktyabr 2021-ci il tarixində 1 nömrəli Uşaq-Gənclər İnkişaf Mərkəzinin və məktəbin təşkilatçılığı ilə Vətən müharibəsində şəhid olmuş, “Vətən uğrunda”, “İgidliyə görə” və “Füzulinin azad olunmasına görə” medallarla təltif olunan Azərbaycan Silahlı Qüvvələrinin kapitanı, Zeynalov Tural Ruslan oğlunun xatirəsinə həsr olunmuş “Zəfərə gedən yol” adlı tədbir keçirilib.
Tədbirin keçirilməsində məqsəd Vətən müharibəsi şəhidlərinin xatirəsini yad etmək, adları əbədi olaraq Azərbaycan dövlətinin tarixinə həkk olunmuş şəhidlərimizi gənc nəslə tanıtmaqdır.
Tədbirdə 1 nömrəli Uşaq-Gənclər İnkişaf Mərkəzinin “Nitq mədəniyyəti” və “Xor ifaçılığı” dərnəyinin uşaqları şəhidlərə həsr olunmuş şeir kompozisiyası və musiqi nömrələri ilə çıxış ediblər. Daha sonra şəhid qəhramanlarımızın həyatı və döyüş zamanı göstərdikləri şücaəti barədə video çarxlar göstərilib. Onları yaxından tanıyanlar öz xatirələrini bölüşüblər.
Tədbirdə məktəbin direktoru Elçin Abdullayev, Şəhid Tural Əliyevin ailəsi, qazı, mayor Samir Ocaqvediyev, “Cəsur döyüşçü, “Suqovuşanın azad olunmasına görə” medalı ilə təltif olunmuş qazi Elnur Əsgərov, “Ağdamın azad olunmasına görə” təltif olunmuş qazi Teymur Məlikov, “Cəsur döyüşçü”, “Suqovuşanın azad olunmasına görə” medalı ilə təltif olunmuş qazi Ruslan Rəhimov, “Cəsur döyüşçü” və “Suqovuşanın azad olunmasına görə” medali ilə təltif olunmuş qazi Elnur Əsgərov, “Cəsur döyüşçü”, “Vətən uğrunda”, “Suqovuşanın azad olunmasına görə” medalı ilə təltif olunmuş qazi Vüqar Məmmədov, “Suqovuşanın azad olunmasına görə” medalı ilə təltif olunmuş qazi Tural Şükürov, 1 nömrəli Uşaq-Gənclər İnkişaf Mərkəzinin əməkdaşları və valideynlər iştirak ediblər.
