Dahi şairimiz, dünya şöhrətli Nizami Gəncəvi
2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur.
Dövlət başçısı qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyətini nəzərə alaraq bu ili, 2021-ci ili ölkəmizdə “Nizami Gəncəvi İli” elan edib.
09.04.2021-ci ildə məktəbin 3 “Ə” sinfində "Nizami Gəncəvinin həyat və yaradıcılığı" mövzusunda təşkilat saatı keçirildi. Dərs zamanı sinif rəhbəri Ülkər Mustafayeva şagirdlərə bildirdi ki, Nizami Gəncəvi ömrü boyu dövrün mühüm mədəniyyət mərkəzlərindən olan qədim Azərbaycan şəhəri Gəncədə yaşayıb yaradaraq, Yaxın və Orta Şərq fəlsəfi-ictimai və bədii-estetik düşüncə tarixini zənginləşdirən ecazkar söz sənəti incilərini də məhz burada ərsəyə gətirib. Nizami Gəncəvinin geniş şöhrət tapmış “Xəmsə”si dünya poetik-fəlsəfi fikrinin zirvəsində dayanır. Mütəfəkkir şair çox sayda davamçılarından ibarət böyük bir ədəbi məktəbin bünövrəsini qoyub. Nizaminin ən məşhur kitabxana və muzeyləri bəzəyən əsərləri Şərq miniatür sənətinin inkişafına da təkan verib. Sonda şagirdlər dahi şairimizin "Kərpickəsən kişinin dastanı" şeirini virtual olaraq səhnələşdirdilər.
