" Biz səni unutmarıq, Şükür Həmidov "
Pandemiya şəraitində olsa da 22.12.2020-ci il tarixində zoom proqramı vasitəsi ilə məktəbin şagirdlərinin hazırladığı " Biz səni unutmarıq, Şükür Həmidov " adlı onlayn tədbir keçirilmişdir. Tədbirdə məktəbin direktoru Elçin Abdullayev, tərbiyə işləri üzrə direktor müavini Vüsalə Məmmədova, Müdafiə Nazirliyinin şöbə rəisi Zümrüd Səmədova, Azərbaycanın Milli Qəhrəmanı Şükür Həmidovun atası Nəriman Həmidov, şəhid Ceyhun Abbasovun anası Kəmalə Abbasova, qazi Vüqar Məmmədov, 1 nömrəli Uşaq - Gənclər İnkişaf Mərkəzinin metodiki və kütləvi tədbirlər şöbəsinin təşkilatçısı Fidan İsmayılova , tədbirin təşkilatçısı, məktəbin ana dili ədəbiyyat müəllimi Səadət Mahmudova , VIII və IX sinif şagirdləri Nigar Yahyazadə, Mehriban Fərəczadə, Əbülfəz Sevdimalıyev və başqaları iştirak etmişlər.
Tədbiri Azərbaycan dövlət himni ilə açan Səadət Mahmudova qələbəmizlə bağlı və şəhidlər haqqında məlumat verdi. Tədbirdə hərbi vətənpərvərlik musiqiləri səsləndi, şəhidlər haqqında video-çarx nümayiş etdirildi. Daha sonra söz Şükür Həmidovun atası Nəriman Həmidova verildi. O, oğlu haqqında geniş və ətraflı məlumat verdi. Gənclərin də milli vətənpərvərlik ruhunda böyüməsini arzuladı. Sonra isə şəhid Ceyhun Abbasovun anası Kəmalə Abbasovaya , qazi Vüqar Məmmədova və Zümrüd Səmədovaya verildi. Hər üç çıxışçı qələbəmizə görə Ali Baş Komandana və Azərbaycan Ordusuna minnətdarlıq etdi. Tədbiri təşkil etdiyi üçün məktəb rəhbərliyinə, müəllim və şagirdlərə təşəkkür etdilər. Şagirdlər şəhidlərə həsr olunmuş məlumatlar və şeirlər səsləndirdilər. Sonda Səadət Mahmudova tədbirin iştirakçılarına təşəkkürünü bildirdi.
