" Xoşbəxt bir ölkənin övladlarıyıq " adlı onlayn tədbir
26.05.2020-ci il tarixində Bakı şəhəri Nizami rayonu V.Sadıqov adına 214 nömrəli tam orta məktəbin " Sağlam təhsil - sağlam millət " layihəsində təhsil alan 4 “ a “ sinif şagirdləri və Bakı şəhəri Xətai rayonu A.Məhərrəmov adına 95 saylı tam orta məktəbin " Sağlam təhsil - sağlam millət " layihəsində təhsil alan 4 “ b “ sinif şagirdləri arasında tele - körpü yaradıldı. " Xoşbəxt bir ölkənin övladlarıyıq " adlı altında keçirilən onlayn tədbirin məqsədi pandemiya dövrü olmasına baxmayaraq təhsilimizi, dostluğumuzu, qardaşlığımızı davam etdirmək və hər iki məktəbdə təhsil alan 4-cü sinif şagirdlərinin dörd ildə öyrəndikləri fənlərin hesabatını təqdim etmək idi. Tədbiri giriş sözü ilə məktəbimizin direktoru Elçin Abdullayev və onun həmkarı 214 saylı məktəbin direktoru Esmira Ağayeva açaraq bu ağır dönəmdə belə tele - körpülərin qurulmasının şagirdlərin psixoloji, mənəvi və maarifləndirici aspekt olduğunu vurğuladılar. Tədbirin sonunda söz Təhsil nazirliyinin " Sağlam təhsil - sağlam millət " layihəsi üzrə kordinatoru Nigar Şahhüseynbəyovaya və həmin layihənin pedoqoji blokunun metodistləri Könül və Təranə xanıma verildi. Nigar xanım bu tədbirin pandemiya dövrünə təsadüf etdiyini vurğulayaraq belə bir tədbirin onlayn platformada keçirilməsini yüksək qiymətləndirdi. Qonaqlardan Xətai rayon icra hakimiyyətinin ictimai siyasi və humanitar məsələlər üzrə şöbə müdiri Pənah İmanov da öz çıxışında təşəkkürünü bildirərək sağlam ruhda savadlı Azərbaycançılıq ideologiyası ilə yetişdirdikləri gəncliyə görə tədbirin təşkilatçılarına və sinif müəllimlərinə öz minnətdarlığını bildirdi.
