Ramazan bayramınız mübarək olsun!
Ramazan bayramı ərəfəsində məktəbin Azərbaycan dili və ədəbiyyat müəllimi Xalidə Cəfərova rəhbərlik etdiyi 5 ç sinfində məktəbin təlim-tərbiyə işləri üzrə direktor müavini Elvin Aslanlı və tərbiyə işləri üzrə direktor müavini Vüsalə Məmmədovanın iştirakı ilə “ Ramazan bayramı ” adlı onlayn təqdimat keçirmişdir. Təqdimat Xalidə Cəfərovanın nitqi ilə başlanmışdır. Müəllim Müsəlman dünyasının müqəddəs ayı, 11 ayın sultanı Ramazan ayının birlik, bərabərlik, həmrəylik ayı olduğunu qeyd etmiş, Allaha ibadət, oruc tutmaq kasıb və ac insanların hisslərini anlamaq kimi fəzilətlər barədə məlumat vermişdir. İftar süfrəsi təşkil etməklə Allahın bizə verdiyi nemətləri başqa insanlarla bölüşməyin necə gözəl bir iş olduğunu vurğulamışdır. Müqəddəs Qurani - Kərimin məhz Ramazan ayında nazil olmasını şagirdlərin diqqətinə çatdırmışdır. Ramazan ayının bitib tükənməyən fəzilətlərini saymaqla bitməz deyən müəllim Xalidə Cəfərova şagirdlərə üz tutmuş və çox maraqlı, rəngarəng təqdimatlarla gözəl bir kompozisiya alınmışdır. Şagirdlərin həm elmi, həm publisistik, həm bədii çıxışları yadda qalan olmuşdur. Belə tədbirlərin keçirilməsi şagirdlərimizə milli mənəvi dəyərlərin aşılanmasında böyük rol oynayır .
Ramazan bayramınız mübarək olsun!
