“ Evdə otur kitab oxu “ layihəsi üzrə onlayn görüş keçirildi
Məktəbin 3 “ e “ sinif rəhbəri Zümrüd Hüseynova sinif şagirdləri ilə birlikdə “ Evdə otur kitab oxu “ layihəsi üzrə onlayn görüş keçirdi. Görüşdə məktəbin direktoru Elçin Abdullayev, təlim-tərbiyə işləri üzrə direktor müavini Həqiqət Gülalıyeva, tərbiyə işləri üzrə direktor müavini Vüsalə Məmmədova, sinif müəllimi Zümrüd Hüseynova, F.Köçərli adına Uşaq kitabxanasının direktoru Şəhla Qənbərova, uşaq yazarı Sevinc Nuriqızı, məktəbin müəllimi Aytəkin Hüseynova, 1 saylı GİM-nin müəllimi Fidan xanım və “ Məktəblinin dostu” layihəsinin Nüşabə Qaraçayeva iştirak etdilər. Giriş sözü direktor Elçin Abdullayev açaraq kitabın insan həyatında nə qədər vacib olduğunu vurğuladı. Sevinc Nuriqızı yeni çıxacaq kitablar haqqında məlumat verdi. Şəhla Qənbərova isə şagirdlərə onlayn kitabxanadan istifadə qaydalarını öyrətdi.
