Valideyn iclası
Oktyabrın 27-də R.Zorge adına 90 nömrəli tam orta məktəbdə ənənəyə uyğun olaraq valideyn iclası keçirildi. İclasa saat 11:00-da 8-ci sinif, 12:00-da 9-cu sinif şagirdlərinin valideynləri dəvət olunmuşdu. İclasa giriş sözü ilə məktəbin direktoru Yasin Quliyev başlayaraq 8 və 9-cu sinif şagirdlərinin dərsə davamiyyəti, təlim-tərbiyəsi və bu kimi mövzulardan danışdı. Eyni zamanda valideynlərə övladlarının təlim-tərbiyəsinə daha ciddi yanaşmalarını tövsiyə etdi. Sonra direktor müavinləri çıxış edərək dərsə hazırlıq, davamiyyət məsələlərinə öz münasibətlərini bildirdilər.