“Oxu Günü” Çərçivəsində “Oxu Müsabiqəsi” Keçirilib
Bakı Şəhəri üzrə Təhsil İdarəsinin 04.04.2018-ci il tarixli F-148 nömrəli əmrinə əsasən “Oxu günü” çərçivəsində aprelin 20-da Rixard Zorge adına 90 №li tam orta məktəbdə “Oxu müsabiqəsi”nə start verilib. Müsabiqənin əsas məqsədi oxu vərdişlərinin inkişaf etdirilməsi, mütaliəyə marağının artırılması, kitabın gündəlik həyatımızın bütün sahələrinə daxil edilməsinə nail olmaqdır. Müsabiqə məktəb rəhbərliyi və müəllim kollektivi tərəfindən təşkil olunmuşdu. Şagirdlərin oxu savadının artırılması, dünyagörüşünün formalaşdırılması məqsədilə şagirdlərin bu tədbirdə daha fəal iştirak etməsinə şərait yaradılmışdır. Tədbirdə şagirdlər oxuduqları kitablardan, bədii əsərlərdən söhbət açdılar. Daha sonra M.Ə.Sabirin "Dinmə uşaqdır uşağım" və C,Məmmədquluzadənin "Poçt qutusu", "Qurbanəli bəy"əsərlərindən parçalar səhnələşdirildi. Şagirdlərimiz hər üç əsərin məzmunu,əsas ideyası və təhlili ilə əlaqədar maraqlı müzakirələr apardılar.
Tədbirin sonunda məktəbimizin direktoru Y.Quliyev çıxış edərək mütaliənin önəmindən, insan həyatında rolundan, şagirdlərdə kitaba sevginin formalaşdırılmasında məktəbin nə qədər mühüm rola malik olmasından danışdı.
