Şəhid Qənbərov Bilal Xanlar oğlunun ailəsi ziyarət olunub
Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş şəhidlərimizi dərin ehtiram və qürurla anmaq, xatirələrini uca tutmaq borcumuzdur.
19 iyun 2023-cü il tarixində 6a sinfinin rəhbəri, ingilis dili müəllimi Zülfiyyə Hacıyeva Şuşa Fatehləri və qazilərin iştirakı ilə 6d və 6a sinif şagirdləri, valideynlərlə Vətən müharibəsində qəhrəmancasına şəhid olan Bilal Qənbərovun ailəsini ziyarət etmiş, daha sonra isə Şəhidimizin məzarına ziyarət etmişlər.
Müharibənin ilk günlərindən döyüşə atılan Bilal Qənbərov 2020-ci il noyabrın 4-də Şuşa şəhəri istiqamətində gedən döyüşlərdə şəhidlik zirvəsinə ucalmışdır. Döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyev tərəfindən ölümündən sonra "Vətən uğrunda”, “Cəsur döyüşçü”, “Füzulinin azad olunmasına görə” və “Şuşanın azad olunmasına görə” medalları ilə təltif olunmuşdur.
Sonda şagirdlər ədəbi-bədii kompozisiya ilə çıxış etmişlər. Həmçinin müəllim Zülfiyyə Hacıyeva 6a sinif şagirdləri ilə şəhid ailəsinə hazırladıqları hədiyyələri təqdim edib, xatirə şəkilləri çəkdiriblər.
Allah bütün şəhidlərimizə rəhmət eləsin!
