Əlifba bayramı keçirilib
Məktəbin 1r sinifində İbtidai sinif müəllimi Həlimət Camalovanın təşkilatçılığı ilə Əlifba bayramı keçirilib.
Tədbirdə məktəb rəhbərliyi, müəllimlər və valideynlər iştirak ediblər. Tədbir Dövlət Himninin səslənməsi ilə açıq elan edilib.
Məktəb rəhbəri Svetlana Nəbiyeva yeni təhsil sisteminin gələcəyimiz olan uşaqların layiqli vətəndaş kimi yetişməsinə xidmət etdiyini bildirib. O, birincilərə yaxşı oxumağı, Vətənə layiqli övlad kimi yetişməyi tövsiyə edib.
Sinif rəhbəri Həlimət Camalova körpələrin ilk sevinci - Əlifba bayramı münasibətilə onları təbrik edib və şagirdlərinə biliklərin açarı olan Əlifbadan başlayaraq bütün kitabları sevməyi və səylə biliklərə yiyələnməyi, Vətəni sevən, savadlı vətəndaş olmağı arzulayıb. Tədbir zamanı 1r sinif şagirdləri şeir, mahnı, rəqs və kiçik səhnəciklər təqdim ediblər .
