31 MART- SOYQIRIMI GÜNÜNƏ HƏSR OLUNMUŞ "DƏYİRMİ MASA"
31 mart 2023-cü il tarixində məktəbin tarix müəllimi Maqsud Mirəyevin başçılığı ilə 8d sinfində Azərbaycanlıların Soyqırımı Günü ilə bağlı "Dəyirmi masa" keçirilib. Əvvəlcə, Azərbaycanın müstəqilliyi, ərazi bütövlüyü və suverenliyi uğrunda canından keçərək şəhidlik zirvəsinə ucalmış qəhrəman oğul və qızlarımızın, eləcə də soyqırımı qurbanlarının əziz xatirəsini bir dəqiqəlik sükutla yad edilib.
Şagirdlər faciə haqqında məlumatı və şəkilləri əks etdirən divar qəzetləri hazırlayıblar ,təqdimatlar səsləndiriblər. Müəllim ermənistanın tarix boyu azərbaycanlılara qarşı soyqırımı siyasətini müxtəlif dövrlərdə fərqli formalarda həyata keçirdiklərini, bunun kütləvi qətllər və hərbi əməliyyatlarla müşayiət olunduğunu qeyd edib.
Bildirilib ki, tariximizə qanlı səhifə kimi həkk olunan bu soyqırım unudulmamalı, gələcək nəsillərə və dünya ictimaiyyətinə çatdırılmalıdır.
