Tarixçi ,türkoloq- alim Yunus Oguzla "İmzalı görüş" keçirilib
Martın 16-da məktəbin illik Fəaliyyət Planının 1.3.9-cu bəndinə uyğun olaraq məktəblilərin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması və "İmzalı görüş" layihəsi çərçivəsində şagirdlərin şair və yazıçılar, bədii qiraət ustaları ilə görüşlərinin təşkili məqsədilə tarixçi, yazıçı- publisist, türkoloq- alim Yunus Oguzla görüş keçirilib. Məktəbin kitabxana müdiri Minayə Əzimovanın, həmçinin Azərbaycan dili və ədəbiyyatı müəllimi Vəsilə Həsənovanın təşkilatçılığı ilə baş tutan görüşdə məktəb rəhbəri Svetlana Nəbiyeva qonaqları salamlayıb tədbiri açıq elan edib. Görüş zamanı şagirdlərin bir- birindən gözəl,rəngarəng çıxışları dinlənilib. Tarixi romanlar müəllifi şagirdləri maraqlandıran sualları cavablandırıb. Müəllifin həyat və yaradıcılığına nəzər salınıb. Yunus Oguz yaradıcılığına dair hazırlanmış videoçarx, o cümlədən yazıçının " Əmir Teymur" əsərindən bir parça nümayiş etdirilib.Şagirdlərimiz tərəfindən ifa edilən milli rəqs və mahnılar tədbirə daha maraqlı rəng qatıb. Həmçinin şagirdləri maraqlandıran suallar yazıçı tərəfindən cavablandırılıb.
Sonda yenidən söz müəllifə verilib. Məktəbimiz adından Svetlana Nəbiyeva müəllifə xatirə olaraq Təşəkkürnamə təqdim edib.Tədbir alqışlarla sona çatıb.
