İDMAN HƏFTƏSİNDƏ ŞAGİRDLƏR "SƏHƏR GİMNASTİKASI" EDİB
1 mart 2022-ci il tarixində məktəbdə şagirdlərin idmana olan marağının artırılması, sağlam həyat tərzinin təbliği məqsədilə "5 mart - Bədən Tərbiyəsi və İdman Günü" ərəfəsində "səhər gimnastikası" keçirilib. Fiziki tərbiyə müəllimlərinin başçılığı ilə keçirilən gimnastika təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı məqsədilə keçirilib.
Qeyd edək ki,bu həftə məktəbdə idman həftəsi keçirilir. Buna müvafiq olaraq məktəbimizdə idman sahəsi üzrə tədbirlər , maarifləndirici mövzularda söhbətlər aparılır.
