İbtidai siniflərdə sürətli oxu texnikası yoxlanılıb
Sürətli oxu texnikasının monitorinqini aparmaq məqsədilə fevralın 23-ü ibtidai siniflərdə şagirdlərin oxu bacarıqlarının səviyyəsinin öyrənilməsi və qiymətləndirilməsi həyata keçirilib.
Ayrı-ayrı siniflərdə məktəb rəhbəri Svetlana Nəbiyevanın iştirakı ilə aparılan yoxlama zamanı məlum olub ki, şagirdlərdən əksəriyyəti onlar üçün göstərilən normalara uyğun oxu texnikasına yiyələniblər. Yoxlama zamanı Svetlana Nəbiyeva qeyd edib ki,ibtidai siniflərdə oxunun müxtəlif növlərindən istifadə etmək, şagirdlərdə düzgün, sürətli və ifadəli oxu vərdişləri yaratmaqla onun şüurluluğuna da təsir göstərmək olar. Şagird məlumatların böyük bir qismini oxumaqla alır. O nə dərəcədə sürətlə oxuyursa, nə dərəcədə anlayaraq oxuyursa, intellekti bir o qədər sürətlə inkişaf edir.