VALİDEYN İCLASI KEÇİRİLİB
16 fevral tarixində 4C və 8B siniflərində valideyn iclası keçirilib. İclasda məktəb rəhbərliyi , psixoloq ,sinif rəhbəri ,fənn müəllimləri iştirak edib.
İclas zamanı şagirdlərin dərsə davamiyyəti, məktəbli forması, nizam-intizam məsələləri müzakirə olunub. Məktəb psixoloqu Cəmilə Məmmədova ailədə sağlam psixoloji mühitin şagirdlərin formalaşmasında rolu və digər vacib məsələlər haqqında söhbət aparıb. İclas zamanı şagirdlərin I yarımil nəticələri təhlil olunub. Valideynlərin fikirləri dinlənilib ,onları maraqlandıran suallara cavab verilib .
Məktəb rəhbəri Svetlana Nəbiyeva bildirib ki, şagirdlərin təlim-tərbiyəsində valideynlərlə məktəbin əməkdaşlığı vacibdir.Valideyn iclaslarının keçirilməsində əsas məqsəd valideynlərin məktəb həyatında fəal iştirakını təmin etmək, habelə məktəb-valideyn əlaqələrini gücləndirməkdir.