Zərərli vərdişlərdən uzaq olaq!
Məktəbimizdə zərərli vərdişlərlə mübarizəyə həsr olunmuş maarifləndirici sinif təşkilat saatları keçirilib. Tədbirlərin keçirilməsində əsas məqsəd zərərli vərdişlərin fəsadları barədə şagirdlər arasında daha səmərəli iş aparmaq üçün məlumatlandırmaq, belə vərdişlərin insanların sağlamlığına vurduğu ziyanlarla bağlı məktəblilər arasında təbliğatı gücləndirmək və təhsilə, elmə, olan marağı artırmaqdan ibarət olub.
Şagirdlər zərərli vərdişlərin dövlətə, cəmiyyətə, insanların sağlamlığına vurduğu ziyanları mövzusunda səhnəciklər təqdim ediblər. Qeyd edilib ki,zərərli vərdişdən uzaq olmaq və bu sosial bəlaya qarşı mübarizə aparmaq üçün zəruri tövsiyələrə qulaq asmaq lazımdır. Bildirilib ki, zərərli vərdişlər təkcə insanın fiziki sağlamlığına mənfi təsir göstərmir, həm də onun mənəviyyat aləmində, şəxsiyyət kimi formalaşmasında ciddi problemlər yaradır.