VII Bakı Beynəlxalq Kitab Sərgisi keçirilib
Oktyabrın 6-da Bakı Ekspo Mərkəzində VII Bakı Beynəlxalq Kitab Sərgi-Yarmarkasının açılışı keçirilib.
90 nömrəli tam orta məktəbin direktoru Yeganə Məhərrəmova , tərbiyə işləri üzrə direktor müavini Aygün Sadıqova və şagirdlər sərgidə iştirak ediblər.
Kitab sərgisi dahi Azərbaycan şairi və mütəfəkkiri Nizami Gəncəvinin 880 illik yubileyinə ithaf olunub. Sərginin keçirilməsində məqsəd kitab və mütaliəni təbliğ etmək və populyarlaşdırmaq, ziyarətçiləri həm Azərbaycan, həm də xarici nəşriyyatların çap məhsulları ilə tanış etmək, nəşriyyat işinə dəstək vermək, nəşriyyatları potensial əməkdaşlıq üçün kitab mağazaları ilə tanış etmək, eləcə də rəqəmsal dövrdə kitab biznesinin inkişafı ilə bağlı təcrübə və fikir mübadiləsini təmin etməkdir. Sərgidə nəşriyyatlar, mətbəələr, kitab mağazaları və mədəniyyət mərkəzləri təqdim olunub. Həmçinin, sərgidə ayrı-ayrı ölkələrdən 200-ə yaxın şirkət iştirak edib.
