Ulu öndərə həsr olunmuş “Ən yaxşı videoçarx” müsabiqəsi keçirilib
R.Zorge adına 90 nömrəli tam orta məktəbin şagirdləri arasında ümummilli lider Heydər Əliyevin anadan olmasının 98-ci ildönümünə həsr olunmuş “Ən yaxşı videoçarx” müsabiqəsi keçirilib.
Müsabiqənin keçirilməsində məqsəd ulu öndərin zəngin siyasi irsinin, şərəfli həyat və fəaliyyətinin gənc nəsil tərəfindən öyrənilməsi işini daha da gücləndirmək olub.
Videoçarxlarda ulu öndər Heydər Əliyevin Azərbaycana rəhbərliyinin bütün dövrlərində yürütdüyü uzaqgörən siyasət nəticəsində ölkəmizin nüfuzunun artması, hərtərəfli inkişafa nail olunması, müstəqilliyimizin əbədi və dönməzliyinin tam təmin edilməsi barədə ətraflı məlumat verilib. Bildirilib ki, dahi şəxsiyyətin nüfuzu, onun xalq və ölkə qarşısındakı əvəzsiz xidmətləri, nəsillərə nümunə olan həyat və fəaliyyəti, Azərbaycanın müstəqilliyi yolunda atdığı uğurlu addımlar bu gün hər bir vətəndaş tərəfindən minnətdarlıqla anılır.
Ümummilli liderin həyat və fəaliyyətinin müxtəlif istiqamətlərindən bəhs edən videoçarxlar nümayiş olunub, hamı tərəfindən maraqla izlənilib.
https://youtu.be/EQAvMRMlW9w
https://youtu.be/aV14dACvoQo
https://youtu.be/j5ITNn-PlsI
https://youtu.be/yT19NDWFGIo
https://youtu.be/tIKlLjIluP0
