“İmtahan qabağı stressin aradan qaldırılması” mövzusunda psixoloji söhbətlər aparılıb
90 nömrəli tam orta məktəbdə 26 aprel 2021 tarixdə məktəbin psixoloqu Məmmədova Cəmilə 11-ci sinif şagirdləri ilə “İmtahan qabağı stressin aradan qaldırılması” mövzusunda psixoloji söhbətlər aparıb.
Onlayn görüş zamanı şagirdləri narahat edən əsas psixoloji məqamlara toxunulub və qarşılıqlı müzakirə əsasında şagirdlərin sualları məktəb psixoloqu tərəfindən cavablandırılıb. Həmçinin psixoloq stressin aradan qaldırılması üçün şagirdlərə bəzi tövsiyələr verib. Bildirdi ki, şagirdlər sağlamlıqlarını qorumalı, hərdən fasilələr etməli və baş verən hadisələrə görə özlərini günahlandırmamalıdırlar. Cəmilə Məmmədova imtahan zamanı stressin şagirdlərin nəticəsinə təsir edə biləcəyini və şagirdlərə həyəcanlı olmamağı tövsiyə edib.
