“Ən uca zirvə Ana zirvəsidir" adlı onlayn tədbir
6 mart tarixində 90 nömrəli tam orta məktəbdə “Ən uca zirvə Ana zirvəsidir" adlı onlayn sinif təşkilat saatları keçirilib.
Tədbirin keçirilməsində əsas məqsəd şagirdlərdə ədəbiyyata marağın artırılması və anaya sevgi hislərinin gücləndirilməsi olub.
Onlayn görüşdə şagirdlərin iştirakı ilə anaya aid şeirlər söylənilib, səhnəciklər göstərilib və videoçarxlar nümayiş olunub. Ana haqqında aforizmlər, atalar sözləri səsləndirilib. Sənətkarlarımızın anaya həsr olunmuş sonsuz məhəbbətinin əks olunduğu əsərlər haqqında geniş müzakirələr aparılıb.
