Mülki Müdafiə Günü ilə bağlı sinif təşkilat saatları keçirilib
Fevralın 28-si 90 nömrəli tam orta məktəbdə Ümumdünya Mülki Müdafiə Günü ilə bağlı onlayn sinif təşkilat saatları keçirilib.
Tədbirdə Mülki Müdafiə Günü haqqında geniş məlumat verilib, əhalinin yarana biləcək fövqəladə hallara hazır olması, fövqəladə hallar zamanı davranış qaydaları, özünə və digərlərinə ilkin tibbi yardımın göstərilməsi haqqında söhbətlər aparılıb. Siniflərdə Mülki Müdafiə Gününün yaranma tarixi, məqsəd və vəzifələri barədə dolğun məlumat verilib. Yanğın təhlükəsizliyi qaydalarından, dəm qazının yaranma səbəbləri və bu zaman davranış qaydaları haqqında şagirdlərin hazırladıqları videoçarx nümayiş olunub.
