"Məişət zorakılığı" mövzusunda maarifləndirici söhbət keçirilib
23 fevral tarixində 90 nömrəli tam orta məktəbin psixoloqu Cəmilə Məmmədova IX siniflərdə "Məişət zorakılığı" mövzusunda maarifləndirici söhbət keçirib. "Məişət zorakılığı " mövzusunda psixoloji maarifləndirmə işinin keçirilməsində məqsəd məişət zorakılığı ilə sıx bağlı olan təhsildən yayınma, intihar hallarının aradan qaldırılması üçün ictimaiyyətdə geniş maarifləndirmə işlərinin aparılmasına böyük ehtiyac olmasıdır.
Məktəb psixoloqu Cəmilə Məmmədova şagirdlərə məişət zorakılığının səbəbləri və uşaqlar üzərində təsirləri haqqında geniş məlumat verib. Şagirdlərin fikirləri dinlənilib, qarşılıqlı müzakirələr aparılıb.