Yol hərəkəti qaydaları haqqında maarifləndirici tədbir keçirilib
İbtidai sinif müəllimi Samirə Kərimovanın təşkilatçılığı ilə 90 nömrəli tam orta məktəbdə 16 fevral tarixində 2R sinif şagirdlərinin iştirakı ilə yol hərəkəti qaydalarının təbliğatına həsr olunmuş maarifləndirici tədbir keçirilib.
Məktəblilər arasında maarifləndirmə işləri aparmasında əsas məqsəd onları qəzalardan qorumaq və uşaqların zərər çəkməsini minimuma endirməkdən ibarət olub. Qeyd edilib ki, yol hərəkəti qaydalarının təbliği uşaqların bilik və bacarıqlarının formalaşmasına müsbət təsir göstərir. Tədbir zamanı şagirdlərə yol nəqliyyat hadisələrinin törətdiyi ağır fəsadlardan bəhs edən videoroliklər nümayiş etdirilib.
