Ümumxalq Hüzn Gününə həsr olunmuş onlayn dərs
Yanvarın 19-da 90 nömrəli tam orta məktəbin ibtidai sinif müəllimi C.Gülnar 4D sinfində 20 Yanvar-Ümumxalq Hüzn Gününə həsr olunmuş onlayn dərs keçirib.
Dərsin əvvəlində xalqımızın azadlığı uğrunda canlarını qurban vermiş qəhrəman Vətən övladlarının xatirəsi bir dəqiqəlik sükutla yad edilib.
Şagirdlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə söhbət açıblar. Eləcə də 20 Yanvar hadisələrinin nəticələrindən, şəhid kimi əbədiyyətə qovuşan Vətən övladlarının şücaətindən bəhs ediblər.
