“Virtual məktəb” layihəsi ilə bağlı seminar keçirilib
“Virtual məktəb” layihəsi üzrə təlimçi Samirə Salayeva 28 aprel tarixində direktor müavinləri və metodbirləşmə sədrlərinin “Virtual məktəb” layihəsi ilə bağlı təlimatlandırılması məqsədilə onlayn seminar keçirib. Seminarda direktor müavinləri və metodbirləşmə sədrləri “Virtual məktəb”də siniflərin qruplaşdırılması, onlayn cədvəlin yaradılması, portaldan istifadə qaydaları ilə bağlı müvafiq təlimatlarla tanış etdirildilər. Müəllimlərin bu portaldan istifadə edərkən rastlaşa biləcəkləri çətinliklər izah olundu. Bununla yanaşı, hər bir fənn metodbirləşməsı ayrı-ayrılıqda fənn müəllimləri ilə izahat işi apardılar.
