XOCALI SOYQIRIMI-QANLI TARİXİMİZ
Tariximizin faciəvi səhifələrindən olan Xocalı soyqırımının 28-ci ildönümü ilə əlaqədar olaraq 25 fevral tarixində 90 nömrəli tam orta məktəbin Azərbaycan dili və ədəbiyyat müəllimi Vəsilə Həsənovanın başçılığı ilə tədbir keçirilib. 8A və 8C sinif şagirdlərinin iştirakı ilə keçən tədbirdə Xocalı faciəsinin günahsız qurbanlarının əziz xatirəsi yad edilib. Şagirdlərin ifasında Xocalı soyqırımına həsr edilmiş şeir, musiqi və səhnəciklər nümayiş etdirilib. Xocalı həqiqətlərindən bəhs edən videoçarx izlənilib.
Tədbirdə iştirak edən məktəb direktoru Yeganə Məhərrəmova şagirdlərə Azərbaycanın müstəqilliyi və ərazi bütövlüyu uğrunda canından keçmiş şəhidlər haqqında məlumat verib, Xocalı faciəsinin səbəbini, onun ağır nəticələrini, faciə nəticəsində xalqımıza vurulan maddi və mənəvi zərərlərdən danışıb.
Tədbirin keçirilməsində məqsəd gənc nəsli vətənpərvər ruhda tərbiyə etmək, gələcəyimiz olan şagirdlərə tariximizi mənimsətmək, qan yaddaşımıza yazılan bu faciəni bir daha xatırlatmaq olub.