Həmrəylik günümüz mübarək!
31 Dekabr Dünya Azərbaycanlılarının Həmrəyliyi Günüdür. Hansı ölkədə yaşamasından asılı olmayaraq, vətənini Azərbaycan sayan hər bir insan bu gündə həmrəylik nümayiş etdirir . Bu bayram ayrı-ayrı ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq prosesində mühüm rol oynayır. Dünya Azərbaycanlılarının Həmrəylik Günü bayramı dünyanın 70-dən çox ölkəsində azərbaycanlılar tərəfindən qeyd olunur.
Dekabrın 29-da 7B sinfində “31 Dekabr – Dünya Azərbaycanlılarının Həmrəyliyi Günü” münasibətilə "Dəyirmi masa" keçirilib. "Dəyirmi masa"da bu bayramın yaranma tarixdən , dünya azərbaycanlılarının birliyinin əhəmiyyətindən danışılıb. Qeyd olunub ki, azərbaycanlılar bu gün ilə fəxr edir və onu qürurla qeyd edirlər.
