Ümummilli Lider Heydər Əliyevin anım günü ilə əlaqədar silsilə tədbirlərin keçirilməsi davam edir
90 nömrəli tam orta məktəbdə müasir Azərbaycanın memarı və qurucusu Heydər Əliyevin vəfatının 16-ci ildönümü ilə əlaqədar silsilə anım tədbirləri keçirilib. Tədbirlərdə ümummilli liderin xüsusilə elm və təhsilin inkişafına həmişə böyük diqqət və qayğı göstərdiyi, azərbaycanlı gənclərin respublikadan kənarda təhsil alması üçün geniş imkanlar yaratdığı vurğulanıb. Anım tədbirlərində şagirdlər Ulu Öndərə həsr edilmiş şeirlər və onun aforizmə çevrilmiş kəlamlarını səsləndiriblər, maraqlı divar qəzetləri, rəsm əsərləri sərgiləyiblər.
Müxtəlif "Dəyirmi masa"larda ümummilli lider Heydər Əliyevin keçdiyi nümunəvi həyat yolu, Azərbaycan Respublikasının qurucusu, müasir Azərbaycan tarixinin yaradıcısı kimi gördüyü işlər və onun siyasi fəaliyyətini özündə əks etdirən videoçarxlar,fotostendlər nümayiş etdirilib.
Ölümü ilə ölümsüzlüyə qovuşan, dünyasını dəyişdiyi 12 dekabr 2003-cü il tarixini belə, xalqının birlik, bütövlük rəmzinə, simvoluna dönən, Fəxri Xiyabanın Fəxri sakininə çevrilən, dövlət-xalq, lider-varis münasibətlər sistemində əbədiyaşarlıq qazanan, azərbaycançılıq məfkurəsi ilə hər bir azərbaycanlının qürur mənbəyi olan Ulu Öndərimiz Azərbaycan xalqı var olduqca olacaq, hər birimizi Azərbaycanın müstəqilliyi daimidir, əbədidir, dönməzdir nidasına inandıracaq!