“Ana Dilimiz Milli Sərvətimizdir” mövzusunda tədbir keçirilib
Məktəbin illik fəaliyyət planına uyğun olaraq dil-ədəbiyyat aylığı çərçivəsində fevralın 20-də Azərbaycan dili müəllimi Məlahət Alməmmədovanın təşkilatçılığı və 6”C”, 8”A” sinif şagirdlərinin iştirakı ilə “Ana Dilimiz Milli Sərvətimizdir” mövzusunda tədbir keçirilib.
Tədbirin əsas məqsədi ana dilimizi qorumaq,yaşatmaq, dilimizin gözəlliklərini, incəliklərini, saflığını, müqəddəsliyini, yeniyetmə və gənclərə çatdırmaq, onlara dilimizi sevdirməkdir.
Tədbirdə dil haqqında dəyərli fikirlərdən, ana dilimizin qorunub saxlanılmasında, inkişaf etdirilərək bugünkü səviyyəyə çatdırılmasında ulu öndər Heydər Əliyevin əvəzsiz xidmətlərindən geniş bəhs edilib. Şagirdlərin mövzu ilə bağlı çıxışları dinlənilib və mövzuya uyğun videoçarxlar nümayiş olunub.