Danquşu
Bir neçə gün öncə məktəbin həyətində tapılan quş şagirdlərin marağına səbəb olub.
Quş tapılan zaman çox halsız idi və məktəbin ibtidai sinif müəllimi Səbinə Yusubova onu qidalandırmaq üsulları ilə maraqlandı. Müəllim quşun kiçik danquşu olduğunu bildirdi.
Əsasən, qamışlıq, kolluq ərazidə yaşayır və yerdə yuvalayır. Adətən, su heyvanları ilə, həşəratlarla qidalanır. Kiçik olmasına baxmayaraq, çox təhlükəli quşdur. Şikarını gözündən vurur. Bunu tutan insan quşa çox yaxınlaşsa, onu da gözündən vura bilər.
Danquşunun belə nadir quş olduğuna görə dərhal Ekologiya və Təbii Sərvətlər Nazirliyinin “168” qaynar xəttinə məlumat verildi. Nazirliyin nümayəndələri akt tərtib edərək quşu təhvil aldılar.
